Моуринью Роналдунинг МЮга қайтиши тарафдори, унинг трансфери эса 400 млн еврога тушиши мумкин

“Манчестер Юнайтед” клуби устози Жозе Моуринью “Реал” форварди Криштиану Роналдунинг яна манкуанликлар сафига қайтиши тарафдори бўлмоқда.

Берилган маълумотларга қараганда 32 ёшли португалиялик футболчини ортга қайтариш МЮга умумий ҳисобда 400 млн еврога тушиши мумкин. Шуларнинг 200 миллиони Роналдунинг трансфери учун сарфланса, қолгани унинг маоши ва солиқларга тўланади.

Таъкидлаш керакки, Роналду ўтган йил “Реал” билан амалдаги шартномасини 2021 йилга қадар узайтирган эди. Унга кўра эса Криштианунинг товон пули 1 млрд евро этиб белгиланган.

Эслатиб ўтамиз, бундан аввалроқ беш карра “Олтин тўп” соҳибига Франциянинг ПСЖ ҳамда Хитойнинг “Тяньцзинь Цюаньцзянь” клублари ҳам жиддий қизиқиш билдиришаётгани ҳақида хабарлар тарқалган эди.

Фикрлар

Фикр қолдириш учун авторизациядан ўтинг!