O‘zbekistonlik yana bir sportchi Parij-2024 Olimpiadasiga litsenziyani qo‘lga kiritdi (Foto)

Sport kurashlari bo‘yicha O‘zbekiston terma jamoasi Serbiyada o‘tayotgan jahon chempionatida navbatdagi medal va Parij-2024 Olimpiadasi yo‘llanmasini qo‘lga kiritdi. Bu haqda MOQ matbuot xizmati xabar berdi.

-60 kg vazn toifasida kurash olib borgan Islomjon Bahromov ana shunday yutuqlar bilan yurtimizga qaytadigan bo‘ldi.

Hamyurtimiz o‘tish bosqichida gruziyalik Pridon Abuladzeni, bronza medali uchun bahsda esa eronlik Mehdi Muhsinnajodni mag‘lubiyatga uchratishga erishdi. Shu tariqa, terma jamoamizning mazkur musobaqadagi medallari 2, Parij-2024 litsenziyalari esa 3 taga etdi.