"Ролан Гаррос". Бугун ярим финал учрашувлари ўтказилади

Бугун теннис бўйича "Катта дубулға" туркумига кирувчи "Ролан Гаррос" турнирининг эркаклар баҳсларида ярим финал беллашувлари ўтказилади.

Дастлаб, турнирнинг биринчи тартиб рақамли ракетка устаси Карлос Алькарас тажрибали Новак Жоковичга қарши кортга чиқади. Ушбу баҳс Тошкент вақти билан 17:45 да старт олади.

Иккинчи қарама-қаршиликда норвегиялик Каспер Рууд Германия вакили Александр Зверев билан тўқнаш келади. Ўйин 20:30 да бошланиши режалаштирилган.