"Roland Garros". Istomin-Federer uchrashuvi 3 set davom etdi

Tennis bo‘yicha O‘zbekiston terma jamoasi etakchisi Denis Istomin "Katta dubulg‘a" turkumiga kiruvchi Frantsiya ochiq chempionatida ishtirok etayotgani haqida xabar bergan edik.

Musobaqa asosiy to‘rining birinchi raundidan o‘rin olgan uchrashuvda vakilimiz 8-tartib raqam ostida saralangan Rojer Federerga qarshi kortga chiqdi. 3 set davom etgan o‘yinda tajribali "Maestro" 6:2, 6:4, 6:3 hisobida g‘alaba qozondi.

Shu tariqa, Federer 2-bosqichga yo‘llanmani qo‘lga kiritdi. Endi u xorvatiyalik Marin Chilichni sinovdan o‘tkazadi. Bellashuv 2 iyun sanasida bo‘lib o‘tishi rejalashtirilgan.