Superliganing 13-turini 12 nafar futbolchi o‘tkazib yuboradi

Xabaringiz bor, bugun Superligada 13-tur uchrashuvlari boshlanadi. O‘zPFL matbuot xizmati mazkur tur oldidan diskvalifikatsiya tufayli jamoasiga yordam bera olmaydigan o‘yinchilar ro‘yxatini e’lon qildi  va unda hammasi bo‘lib 12 nafar futbolchi bor.

Eng ko‘p yo‘qotish “Paxtakor”ga tegishli bo‘lib, 3 nafar futbolchisi “Bunyodkor”ga qarshi bahsda yordam bera olmaydi. Shuningdek, “Bunyodkor” (2 ta), “Surxon” (2 ta), “Navbahor” (2 ta), “Olimpik” (2 ta) va “Qizilqum” (1 ta) futbolchilari ham 13-turni o‘tkazib yuboradilar.