Freddi Rouch hozirda jahonning eng yaxshi bokschisi kimligini ma’lum qildi

Mashhur murabbiylardan biri Freddi Rouch hozirgi davrning eng yaxshi bokschisi deb Terens Kroufordni e’tirof etgan. 29 yoshli amerikalik bokschyai professional ringda 32 jang o‘tkazib, barchasini (23 nokaut) g‘alaba bilan yakunlagan. U ayni damda birinchi yarim o‘rta vazn toifasida WBC, WBA, IBF, WBO kamarlari sohibi hamda The Ring etakchisi hisoblanadi.

– Terens Krouford ayni damda jahonning eng yaxshi bokschisi, – deya Rouchning sщzlarini keltiradi tofight nashri. – U ajoyib boksga tushadi va 12 raund urusha oladi. U so‘nggi jangida afrikaliklarga xos qattiqqo‘llik bilan harakat qildi. O‘ylaymanki, u jangga jiddiy qaramasa, yutazib qo‘yishi mumkin. Ammo u shubhaga o‘rin qoldirmaydi. Terens jahonning eng yaxshi bokschisi.