Аллегри кетса, "Ювентус"ни ким бошқариши керак?

Сўнгги пайтларда Италияда Массимилиано Аллегрининг "Ювентус" клуби бош мураббийлигидан кетиши ҳақида миш-мишлар тез-тез учрамоқда.

Турин клубининг собиқ футболчиси Фабрицио Раванелли миш-мишлар рост бўлган тақдирда, клубнинг янги мураббийи ким бўлиши кераклигини айтди. Гап ўтмишда "Ювентус"ни бошқарган одам ҳақида кетмоқда.

“Мен шубҳасиз Контени танлаган бўлардим. У клубни ва унинг фалсафасини яхши билади. Антонио интизомни яхшилашга қодир мураббий”, - деди Раванелли pianetamilan.it нашрига берган интервьюсида.

90 йилларда Раванелли ва Конте "Ювентус"да ва Италия терма жамоаси таркибида бирга тўп сурган. Конте 2011 йилдан 2014 йилгача "Ювентус"ни бошқарган.

Айни дамда “Ювентус” 35 турдан сўнг А Серия мусобақа жадвалида 66 очко билан 3-ўринда бормоқда. “Интер” бу мавсумд муддатидан аввал чемпионликни расмийлаштирган бўлса, “Милан” иккинчи ўринда бормоқда.