Богдан Гусковнинг мақсади жиддий! У қиёфадоши билан жанг қилмоқчи

Ўзбекистонлик UFC жангчиси Богдан Гусков "Матч ТВ" телеканалига берган интервьюсида ярим оғир вазн тоифасида UFC чемпиони унвонига собиқ даъвогар америкалик Энтони Смитга қарши жанг ўтказиш истаги борлигини маълум қилди.

27 апрель куни Гусков Лас-Вегасдаги UFC турнирида америкалик Раян Спэннни нокаутга учратди ва лигадаги иккита ғалабадан сўнг промоушнинг енгил вазн тоифаси рейтингида 12-ўринга кўтарилди.

4 май куни Энтони Смит Бразилияда бўлиб ўтган турнирда Виктор Петриньога қарши жангда ғалаба қозонди ва рейтингда 10-ўринни эгаллаб турибди.

Аввалроқ, Гусков ва Смит ижтимоий тармоқларда юз қиёфаси ўхшашлигини масхара қилиб, қўшма суратни эълон қилган эди. 2019 йилда Смит UFC чемпиони бўлиши мумкин эди, аммо чемпионлик жангида америкалик Жон Жонсга ютқазиб қўйди.

— Спэнн устидан қозонилган ғалабадан сўнг, сиз интервью бердингиз, лекин ким билан жанг қилмоқчи эканлигингизни айтмадингиз. Ҳозир бу аниқми?

— Мен уни Петриньо ва Смит жанг қилган турнирдан кейин айтишга тайёр эдим. Мен Смитнинг имкониятларни пастроқ баҳолагандим, лекин жанг бошланиши билан у рақибини эзиб ташлади.  Жангимдан кейин эса ҳеч қандай ном айтмадим, чунки уларнинг Бразилиядаги жанги қандай ўтиши мени қизиқтирди. Негадир агар Петриньо ғалаба қозонса, кейинги жангда у билан 100% уришаман, деб ўйладим.

— Смит бизга берган интервьюсида сизлар спаринг ишлаганинглар ва илиқ суҳбатлашганингизни айтди. Бу жангнинг бўлишига тўсқинлик қилмайдими?

- Йўқ. У ажойиб профессионал ва кеча буни кўрсатди. У ҳаёт ва жангларни аниқ ажратиб туради. Мен ҳам рақибларимнинг ҳеч бирини ёмон кўрмайман. Мен учун бу сўнгги спаррингга ўхшайди. Сиз у ерга борасиз ва қаршингиздаги одам уни нокаут қилишни хоҳлаганидек, сиз ҳам шундай қиласиз. Биз 15 дақиқа курашдик ва кейин давом этдик.

Демак, ҳеч қандай муаммо йўқ: биз у ерга чиқиб, яхши кураш кўрсатамиз. Менга унинг техникаси ёқади. У энг юқори поғонада ва мен учун бу катта қадам бўларди.

— Демак, Смит ҳозирда сиз учун топ-15ликдаги энг қизиқарли рақиб?

- Ҳа, у юқори рейтингга эга. У афсона, менимча, бу қизиқарли бўлар эди.