Файзуллаев янгилик кутяпти!

Россия Премьер-лигаси 2023-2024 йилги мавсумнинг энг яхши ўйинчиси совринига даъвогар футболчиларсиларнинг қистартирилган рўйхатини эълон қилди.

Эътиборли жиҳати, нуфузли совринни қўлга киритиши мумкин бўлган чарм тўп усталари орасида ЦСКАдаги легионеримиз Аббосбек Файзуллаев ҳам бор.

Россияда йил ўйинчиси номи учун курашадиган футболчилар рўйхатига “Оренбург”дан Брайан Мансилья, “Рубин”дан Мирлинд Даку, “Факел”дан  Ираклий Квеквескери,  “Ростов”дан Муҳаммад Мохебби, Данил Глебов, Максим Осипенко, Егор Голенков, “Спартак”дан Срджан Бабич, Александр Максименко, Данил Пруцев, ЦСКАдан Аббосбек Файзуллаев, Фёдор Чалов, Иван Обляков, Игорь Акинфеев, “Балтика”дан Евгений Латишонок, “Динамо”дан Константин Тюкавин, Бителло, Диего Лаксальт, “Зенит”дан Вендел, Матео Кассьера, Дуглас Сантос, Клаудиньо, Вильмар Барриос, “Краснодар”дан Эдуард Сперцян, Жон Кордоба, Матвей Сафонов, Хуниор Алонсо, “Крилья Советов”дан Бенхамин Гарре, Никита Салтиков, “Локомотив”дан Максим Глушенков, Наир Тикнизян ва Илья Лантратов киритилган.

Аббосбек Файзуллаев ўтган йилнинг август ойида “Пахтакор”дан ЦСКА клубига кўчиб ўтган эди. Легионер сифатидаги дебют мавсумида 20 ёшли ҳамюртимиз “армиячилар”нинг асосий фигурасига айланди.

ЦСКАнинг аксарият ҳужумчилари айнан ўзбекистонлик иқтидор эгаси орқали ўтади. Юқори сафида ўйнаётган футболчимиз мавсумнинг асосий кашфиётларидан бири сифатида эътироф этилмоқда.

Экспертлар Аббосбек Файзуллаев Россия Премьер-лигасида узоқ қолмаслигини таъкидлаяпти. Ҳозирнинг ўзида легионеримизни кузатаётган клублар бор.

Яқинда “Бавария” ва “Парма” сингари машҳур клублар “Пахтакор” тарбияланувчисини кузатаётгани ҳақида маълумотлар тарқатилган эди.

Аббоснинг ўзи болалигидан “Барселона”га мухлислик қилади ва келажакда Испания чемпионатида тўп тепиш орзуси борлигини айтган.

Россия Премьер-лигаси ва Ўзбекистоннинг турли терма жамоаларидаги муваффақиятли ўйини ортидан унинг трансфер суммаси бир неча баравар кўтарилиб, бугунги кунда 5 миллион еврони ташкил қилмоқда.

Файзуллаевни кузатаётган машҳур клуб кучлилар сафига қайтди!

Улар Парижда ўзбек футболчиларига мухлислик қилади!

“Кальяри” Шомуродов бўйича бир қарорга келди. Элдорга бошқа таклифлар ҳам бор!

Ўзбек футболчилари қилган ишни кўпчилик уддалай олмаган!