"Реал" ярим ҳимоячиси "Атлетико"га ўтиши мумкин!

Мадриднинг "Реал" клуби ярим ҳимоячиси Дани Себальос ёзги трансфер ойнасида жамоасини ўзгартиришга яқин турибди. "Todofichajes" нашрининг маълум қилишича, испаниялик футболчининг хизматларига Мадриднинг бошқа жамоаси қизиқиш билдирмоқда.

"Атлетико" майдон марказига номзодлар изламоқда ва Дани номзодлардан бири. "Матрасчилар" ёзги трансфер ойнасида уни қўлга киритишга ҳаракат қилади. Испания чемпионатининг жорий мавсумида Себальос 15 та ўйинда майдонга тушиб, битта голли узатмани амалга оширди. Ла Лига турнир жадвалида "Реал" биринчи ўринда, "Атлетико" эса тўртинчи поғонани эгаллаб турибди.

Маълумот учун,  27 ёшли хавбекнинг ҳозирга нархи 8 миллион еврони ташкил қилади. Унинг "қироллик клуби" билан шартномаси 2027 йилнинг ёзига қадар мўлжалланган.