Мессининг қачон сафга қайтиши маълум қилинди

Каталониянинг “Барселона” клуби кеча “Севилья”га қарши баҳсда жароҳат олган етакчиси Лионель Мессининг қачон сафга қайтиши мумкинлиги борасида хабар тарқатди.

Ўтказилган тиббий текширувлардан сўнг маълум бўлдики 31 ёшли аргентиналик футболчининг ўнг қўл суяклари синган. Шифокорлар эса унинг соғайиши учун камида 3 ҳафта муддат талаб этилишини айтишган.

Эслатиб ўтамиз, Месси кеча “Севилья” футболчиси Франко Васкес билан ҳаводаги тўқнашувдан сўнг майдонга ноқулай тарзда йиқилган ва жароҳат олган эди.

Маълумот учун, Месси жорий мавсум “Барселона” сафида жами 12та ўйинда майдонга тушиб, ўз ҳисобига 12та гол ҳамда 6та голли узатма ёздириб қўйишга эришган эди.