Зидан ЕЧЛда жамоасини кетма-кет 3 йил финалга олиб чиққан иккинчи мураббий бўлди

Ҳозиргина ЕЧЛ ярим финалидан ўрин олган “Реал” ҳамда “Бавария” жамоалари ўртасидаги баҳс ўз ниҳоясига етди. Қизиқарли ва голларга бой тарзда кечган қарама-қаршиликда 2:2 ҳисоби қайд этилди.

Шу тариқа, Зинедин Зидан шогирдлари кетма-кет учинчи йилдирки, финал йўлланмасига эга чиқди.

Қайд этиш жоиз, бунга қадар ушбу натижага фақатгина Марчело Липпи (1996-1998) эришган эди.

Бундан ташқари, Зидан плей-офф босқичида бирорта қарама-қаршиликда (икки ўйин натижасига кўра) мағлуб бўлмаганини қўшимча қилиш жоиз.