Денис Истоминга омад тилаймиз

Келаси ҳафта Швейцариянинг Базел шаҳри АТР доирасидан ўрин олган навбатдаги йирик мусобақага мезбонлик қилади. Бугун мусобақанинг асосий тўрига чиқиш учун саралаш баҳслари бошланади. 

Юртимизнинг биринчи рақамли теннисчиси Денис Истомин квалификациянинг биринчи босқичида сербиялик Дусан Лайович билан баҳс олиб борадиган бўлди. Ўйиннинг бошланиши Тошкент вақти билан 16:30 га тўғри келади. 

Маълумот учун, Истомин айни пайтда жаҳон рейтингида 89-поғонада турган бўлса, сербиялик ракетка устаси роппа-роса 50-ўринни банд этган. Теннисчилар шу пайтгача 2 марта тўқнаш келишган бўлиб, унда бир мартадан зафар қучишган. Бўлажак баҳсда юртдошимизга омад тилаймиз.