Afsuski, penaltilar seriyasida imkoniyatni boy berdik. O‘yin tafsilotlari
O‘zbekiston milliy terma jamoasi Osiyo Kubogi chorak finalida Qatar bilan kuch sinashdi.
Jamoalar uchrashuvni juda ehtiyotkorlikka asoslangan holda boshladi. Lekin mezbonlar 11-daqiqada ilk xavfli vaziyat sodir etishdi. Markazdan oshirib berilgan to‘pni Akra Afif zarba bilan yakunladi. Yaxshiyamki O‘tkir Yusupov ishonchli harakat qilib to‘pni egallab oldi.
27-daqiqada o‘ng qanotdan boshlangan hujum gol bilan yakunlandi. Himoyachilarimizdan o‘tgan qatarlik futbolchi sherigiga to‘pni uzatayotganda O‘tkir Yusupov kutilmaganda o‘z darvozasiga kiritib yubordi.
31-daqiqada Oston O‘runov qarshisidagi raqiblarini chalg‘itib Otabek Shukurovga pas berdi. Shukurov tepgan to‘pni to‘rga kirishni istamadi.
36-daqiqada Oston O‘runov chap qanotdan yorib kirib, ochiq turgan Turg‘unboevga pas berdi. U esa deyarli bo‘sh qolgan darvozani ishg‘ol qila olmadi. To‘rirog‘i himoyachi to‘p yo‘liga oyog‘ini qo‘yib qoldi.
Birinchi taym oxirlarida standartdan oshirilgan to‘pni qizil libosdagi futbolchi boshi bilan Yusupov qo‘riqlayotgan darvozaga yo‘naltirdi. O‘tkir muqarrar goldan jamoasini saqlab qoldi.
Shu zahoti hamyurtlarimiz qarshi - hujumga chiqib ketishdi. Oston jarima maydoniga kirib bergan zarbasi to‘g‘ri darvozabonning qo‘liga borib tushdi.
Qatarliklar qancha hiyla nayrang qilsa ham hakam bizning zararimizga qaror chiqarishda davom etdi. Chunki chempionat Qatarda o‘tmoqda.
Ikkinchi taymning boshida Abbosbek Fayzullaev qanotdan tezkorlik bilan o‘tib ketayotganda raqib darvozaboni uni yiqitdi. Hakam bu vaziyat uchun posbonni sariq kartochka bilan siyladi xolos. Shu standartning o‘zidan Masharipov darvozani ishg‘ol qilishiga bir bahiya qoldi.
55-daqiqada pressing evaziga olib qo‘yilgan to‘pni Jaloliddin Masharipov uzoq masofadan darvozaga tepdi. Biroz noaniq.
Oradan ko‘p o‘tmay Otabek Shukurov shunday kuchli zarba yo‘lladi. Omad kelmasa qiyin ekan.
Shuncha harakatlar samara berdi. Odil Hamrobekov jarima maydoniga kirib gol urdi. E’tiborlisi, Hamrobekov boshi bilan Ostonga pas bergan, O‘runov unga yo‘l ochib, gol urishiga zamin yaratdi.
Ikkinchi bo‘lim o‘rtalarida Oston O‘runov o‘rniga Shahboz Umarov maydonga tushdi.
Uchrashuv ancha ehtiyotkor o‘tdi. Bellashuvning asosiy vaqtiga 12 daqiqa qo‘shib berildi. Oxirgi daqiqalarda Akram Afif va Shahboz Umarovda bittadan vaziyat bo‘ldi. Ammo hisob o‘zgarmadi. Natijada o‘yinning asosiy vaqti 1:1 hisobida yakunlandi.
Ekstra taymning birinchisini qatarliklar ancha shiddat bilan boshlashdi. Ilk xavfli vaziyat ham aynan ular tomonidan sodir etildi.
Shuncha yo‘qotishlar etmaganidek, jarima maydoni ichida raqib futbolchisi Farruh Sayfievning oyog‘iga zarba berdi. Natijada u ham jarohat olib maydonni tark etdi. Uning o‘rniga Zafarmurod Abdurahmatov tushirildi. Keyinroq esa Muhammadqodir Hamroliev Azizbek Turg‘unboevni almashtirdi. Abbosbek Fayzullaev o‘rniga Hojimat Erkinov maydonga tushdi.
117-daqiqada Almoaz Ali o‘ziga o‘zi vaziyat yaratib, jarima maydoniga kirib bordi va zarba berdi. Baxtimizga u tepgan to‘p darvozaning yonidan to‘rga tegdi.
Ikki jamoadagi o‘zgarishlar natijaga ta’sir o‘tkazmadi. Yakunda penaltilar seriyasiga murojaat qilindi. Penaltilarda esa omad Qatarga kulib boqdi. Biz esa chorak finalda to‘xtadik.
Fikrlar