Англия лига кубоги. "Челси" 6:1 ҳисобида ғалаба қозониб, финалга йўл олди

Англия лига кубоги ярим финалидан ўрин олган "Челси" - "Мидлсбро" тўқнашувининг жавоб баҳсида "аристократлар" 6:1 ҳисобида зафар қучди. 

Ўйинда Пальмер дубль қилган бўлса, Фернандес, Дисаси ва Мадуэкелар биттадан гол урди. Шу билан бирга , Хоусон ўз дарвозасини ишғол қилиб қўйди. 88-дақиқада эса Рогерс жавоб қайтарди. 

Шу тариқа, "Челси" умумий 6:2 ҳисобида зафар қучиб, Англия лига кубоги финалига йўл олди.