Азар энди футбол ўйнамайди

Ўз даврида Англия Премьер-лигасининг энг зўр ҳужумкор футболчиси бўлган Жден Азар бугунги кунда ҳеч кимга керак бўлмай қолди.

Сўнгги тўрт йил давомида “Реал”да ўзини кўрсата олмаган бельгиялик футболчи шу ёз Мадрид” клубини тарк этган эди. Ҳозир эркин агент мақомида юрган 32 ёшли ўйинчига жўяли бирорта таклиф йўқ.

Аввалроқ, Азар АҚШ чемпионатига кўчиб ўтиши мумкинлиги айтилганди. Унга Лионель Мессини ўз сафига қўшиб олган “Интер Майами” қизиқиш билдирган. Лекин бу трансфер амалга ошмади.

Манбаларнинг таъкидлашича, Эден Азар айни пайтда профессионал футболчилик фаолиятини якунлаб, бутасини михга илишга яқин турибди.