Беллингем Эндрикка тарсаки туширди (Фото)

Жуд Беллингем Бразилияга қарши ўйиндан сўнг "Реал"даги жамоадошлари билан илиқ муносабатда бўлди. 

Шанба куни Англия терма жамоаси "Уембли"да Бразилияга мағлуб бўлди. Ягона гол ёзда "Реал"га ўтадиган "Палмейрас"нинг 17 ёшли ҳужумчиси Эндрик томонидан киритилди. 

Финал ҳуштаги янграганидан сўнг Жуд мадридликларнинг бразилиялик ҳужумчилари Винисиус Жуниор ва Родригони қучоқлаб олди. 



Англиялик ярим ҳимоячиси Эндрикнинг ҳам ёнига бориб, юзига сезиларли тарзда тарсаки туширди. Эндрик бу ҳаракатдан ҳайратда қолди. Кейинчалик улар қўл бериб кўришди ва қучоқлашди.