Эден Азар фаолиятини якунламоқчи

"Челси" ва "Реал"нинг собиқ футболчиси Эден Азар фаолиятини якунлаш арафасида. "Marca" нашри хабарига кўра, футболчида битта таклиф бор. Ўтган мавсум чемпионатда еттинчи ўринни эгаллаган Бельгиянинг "Вестерло" клуби.

Азар ўзаро келишув асосида "Реал" билан шартномасини бекор қилгандан сўнг, ҳозирда эркин агент бўлиб турибди. Авалроқ Эден "Интер Майами"га ўтишдан бош тортгани ҳақида хабар берилганди.

Айрим манбаларга кўра, Азар Мадриддан кетишни истамаяпти, бироқ унинг таклифига маҳаллий жамоаларнинг ҳеч бири қизиқмаяпти. Эден энди атиги 32 ёшда.