Файзуллаев кучли лигага кетади!

Россия футболини ёритиб келаётган SOCCER.RU сайти экспертлари Премьер-лиганинг энг креатив ва майдонда эркин ижодкор ролини муваффақиятли бажараётган ўйинчиларини аниқлади.

Ўз жамоаси ғалабаларида муҳим аҳамият касб этадиган, юқори  техникаси билан ажралиб турадиган чарм тўп усталари ҳар бир жамоада топилади.

Машҳур сайт экспертлари ана шундай футболчилар қаторига ЦСКА ҳужум чизиғини юқори даражада ушлаб турган Аббосбек Файзуллаев ҳам киритилди.

SOCCER.RU сайти талқинига кўра, Премьер-лиганинг энг креатив етти футболчиси рўйхати қуйидагича кўриниш олди:

Максим Глушенков (“Локомотив”, Россия) – 22 та учрашув, 6 та гол, 11 та ассист.

Аббосбек Файзуллаев (ЦСКА, Ўзбекистон) – 17 та учрашув, 3 та гол, 8 та ассист.

Эдуард Сперцян (“Краснодар”, Арманистон) – 22 та учрашув, 9 та гол, 6 та ассист.

Клаудиньо (“Зенит”, Бразилия) – 23 та учрашув, 3 та гол, 6 та ассист.

Мартин Крамарич (“Сочи”, Словения) – 20 та учрашув, 5 та гол, 5 та ассист.

Бенхамин Гарре (“Крилья Советов”, Аргентина) – 15 та учрашув, 8 та го, 3 та ассист.

Жоао Бителло (“Динамо”, Бразилия) – 16 та учрашув, 5 та гол, 2 та ассист.

SOCCER.RU сайти экспертлари Аббосбек Файзуллаевнинг ўйинига қуйидагича изоҳ берди:

- Хвича Кварацхелияни “Рубин” футболкасида кўрганлар ўшандаёқ, Грузиядан келган техника устасининг Россия Премьер-лигасида узоқ вақт ушланиб қолмаслигини билишган эди. Ўзбек футболчиси бўйича ҳам худди шу прогнозни билдириш мумкин – ЦСКА қанот ҳужумчиси атиги 20 ёшда ва тез орада кучли лигага кетади!

Воқеаларнинг бундай ривожланиши ўйинчининг ўсиши учун энг тўғри йўлдир. Чунки осиёлик вундеркинг Россия Премьер-лигасида осонликча энг жанговар даражага кўтарилди.

“Локомотив”га қарши ўтказилган сўнгги учрашувда Аббосбек Файзуллаев жамоасининг учала голида иштирок этди, рақиб дарвозасига тўрт маротаба зарба берди ва жамоадошларига тўртта хавфли вазият яратиб берди.

Бугунги кунда жаҳон футболида асосий эътибор ҳужумга қаратилган ва кескин ҳаракатлана олиш қадрланаётган паллада ҳудди Лионель Месси каби Абосбек Файзуллаевнинг камтарона жисмоний габаритларига скаутлар умуман эътибор қаратмайди.

Техникаси кучли бу футболчи кўплаб нуфузли клубларга керак бўлади. Табиийки, қизиқиш билдиргани айтилаётган “Бавария”га боришга ҳали бироз эрта, шунинг учун ҳам, ҳужумкор ўйинчиларга албатта жой топиладиган “Байер” каби клубларнинг асосий таркибида тўп тепган маъқул. Айниқаса, келаётган ёзда Флориан Вирцнинг жамоадан кетиш эҳтимоли ошиб бораётганини инобатга олганда бунинг имкони бор. Осиёликлардан Сон Хин Мин ҳам аввал Леверкузенда маҳорат оширган ва ҳозир Англия Премьер-лигасининг афсоналаридан ҳисобланади, - деб ёзди SOCCER.RU сайти.

Машарипов чемпион бўладими ёки Ўрунов?

Ҳусанов ғалабани таъминлади, унга тўқнаш келганлар деворга урилгандек бўлди!

Ҳусанов энг зўрлар қаторида “Golden Boy – 2024” совринига даъвогар!