Ҳабиб Нурмагомедов Конор МакГрегор устидан қозонилган ғалабаси нима сабабдан мусулмон олами учун муҳим бўлганига изоҳ берди!

Хабиб Нурмагомедовнинг Human Appeal нашрига берган интервьюсида таъкидлашича, унинг Конор МакГрегор устидан қозонган ғалабаси сабабли 2001-йилги 11-сентябрь воқеаларидан сўнг яна мусолмонлар эмин-эркин тарзда ва ҳеч кимдан қўрқмасдан "Алҳамдулиллаҳ" ва "Аллоху Акбар" дея олганликларини таъкидлади:

"Ўша пайти залда яшардим. Билардимки, ушбу жанг ҳаётимда бурилиш нуқтаси бўларди. Ҳозир ушбу жангни такроран кўриб шу нарсага амин бўлдимки... биз нафақат бу жангда Конор МакГрегорни ютдик, балки, инсонлар миясида ўша 17 йил олдин ўрнашиб қолган ёмон фикрларни ҳам ювиб чиқара олдик. Вазият шу даражада эдики, ҳаттоки, инсонлар АҚШда, Буюк Британияда ва яна қаерлардадир овозини чиқарган ҳолда "Алҳамдулиллаҳ" ёки "Аллоҳу Акбар" дея олишмасди. Конор билан жанг вазн ўлчашида эса мен ўша жумла билан зални ларзага келтирган эдим. Балким, кўпчилик бу жиҳатга эътибор қаратмагандир. Аммо, шу каби деталлар ҳам жангнинг даражасини юқорилашида аҳамиятга эга бўлди. У трешток чегарасидан ошиб кетган эди, диним ҳақида бўлмағур гаплар айтарди. Аммо, тоғлик, омма учун нотаниш йигит келди ва ўзининг мусулмонлигини, бу йигитнинг башарасини бежаб қўйишини айтди. Бу жангга кўп нарса тикилган эди. Дин, спорт, оила, трешток, менинг мағлубиятсиз рекордим, унинг катта номи. Барчаси биргаликда. Ўша куни эса бўлиши керак бўлган вазият бўлди",-деди Нурмагомедов.