Икки машҳур боксчи ўлим билан олишмоқда
Боксни ёритиб келаётган нуфузли манбалардан бири vringe.com сайти икки профессионал боксчи ҳаётини сақлаб қолиш учун ўлим билан олишаётгани ҳақида маълумот тарқатди.
Конголик оғир вазнли чарм қўлқоп устаси Арди Ндембо профессионал рингда саккизта жанг ўтказиб, уларнинг барчасида зафар қучган ва еттита беллашувда рақибларини нокаутга учратган эди.
Арди ўтган ҳафта профессионал бокс бўйича жамоавий чемпионат – Team Combat League мусобақасида қатнашиб, иккита учрашувда иккита нокаут қайд этган кубалик Нестор Сантанага қарши рингга кўтарилди.
Team Combat League турниридаги барча жанглар бир раунддан давом этади ва шу боис BoxRec платформаси рейтингларига киритилмайди.
Нестор Сантана биринчи раунддаёқ ўзидан тажрибалироқ бўлган Арди Ндембони нокаутга учратди.
Бу зарба конголик спортчига оғирлик қилди. Сўнгги маълумотларга қараганда, боксчи ўлим билан олишмоқда ва шифокорлар уни сунъий комага тушириш орқали ҳаётини сақлаб қолишга уринмоқда.
Яна бир фожиали ҳолат профессионал фаолиятини давом эттираётган 45 ёшли Уилли Лимонд билан боғлиқ.
Профессионал рингда 42 та ғалаба (13 та нокаут), олтита мағлубият қайд этган Буюк Британиянинг собиқ чемпиони машинани бошқариб кетаётган пайтда инсультга учраган.
Манбалар таниқли боксчининг аҳволи жуда оғир эканини айтмоқда.
Қизиғи шундаки, Уилли Лимонд 3 май куни Шотландиянинг Глазго шаҳрида ўз ҳамюрти Жо Лоус (14-2, 5КО) билан куч синашиши белгиланган эди.
“Бавария” масаласи яна кўтарилди. Файзуллаев ва ЦСКА муносабат билдирди!
Ана холос: Украинада тўпурар легионеримизни эсга олишди
Файзуллаев чемпионлик, “Бавария” ва Европага кетиш ҳақида гапирди
Фикрлар