Жорж Сен-Пьер "UFC 300" турнири марказий жангида ким фаворит эканлигини айтди

ММА афсонаси, икки вазн тоифасида собиқ UFC чемпиони Жорж Cент-Пьер (26-2) Лас-Вегасда бўлиб ўтадиган “UFC 300” юбилей турнирининг марказий жанги иштирокчилари Алекс Перейра(9-2) ва Жамол Хилл(12-1) ўртасидаги бўлажак жангнинг фаворити ҳақида сўз юритди.

“Перейра кикбоксингда кўпроқ тажрибага эга ва агар жанг “стойка”да кечса, унда Алекс фаворит. Аммо, кураш ва “клинч” кўп бўлса, Жамолнинг устунлиги бор. У жангда нима қилишга қарор қилганини билмаймиз, аммо “стойка”да кикбоксинг бўйича чемпион билан жанг қилиш ёмон қарор”, деди,-  канадалик FOX Sports нашрига.