Жозе Алдо - UFC "Шон-шараф зали"дан жой олди!

UFC ва WEC промоушенларининг собиқ чемпиони бразилиялик Жозе Алдо (31-8) UFC‘нинг «Шон-шараф зали"га киритилди.

UFC Шон-шараф зали - бу турли хил вақтларда ўзининг юксак хизматлари сабабли UFC жангчилари ва промоушен атрофида йиғилган инсонларни тақдирлаш ва уларнинг номини абадийга мухрлаш учун қилинадиган ўзига хос мукофот. Бу мукофот тўртта йўналишда: Эски жангчилар (Pioneer Wing), Янги жангчилар (Modern Wing), Ташкилотга ўз меҳнатини қўшган шахслар (Contributor Wing) ва Энг яхши жанглар (Fight Wing) йўналишларида тақдим этилади.

Ўз ўрнида Жозе Алдо UFC‘нинг энг ёш иккинчи чемпиони (Джон Джонсдан кейин), ярим енгил вазнда (-66 кг) чемпионлик камарини 7 марта ҳимоя қилган ягона жангчидир.

Алдо ҳам Замонавий жангчилар (Modern Wing) йўналиши бўйича "Шон-шараф зали"га киритилган, ҳисоб бўйича, 10-жангчидир. Тўлиқ рўйхат қўйидагича:

 - Форрест Гриффин;

 - БиДжей Пенн;

 - Юрайя Фэйбер;

 - Ронда Роузи;

 - Майкл Биспинг;

 - Рашад Эванс;

 - Джордж Сен-Пьер;

 - Ҳабиб Нурмагомедов;

 - Дэниель Кормье;

 - Жозе Алдо.