Конор МакГрегор ўзининг олдиндаги режаларини очиқлади.

Конор МакГрегор ўзининг бўлғуси жангларидаги рақибларини маълум қилди.
Ярим енгил ва енгил вазнда собиқ UFC чемпиони Конор МакГрегор (22-6) яқин орада учта жангда иштирок этишини таъкидлади:
"Менинг навбатимда биринчи Майкл Чендлер. У билан декабрьда жанг қиламан. Сўнгра келгуси йили дастлаб BMF камари учун Джастин Гейджини мағлуб қиламан ва трилогия жангимизни якунлашимиз учун Нэйтни октагонга чорлайман. Ҳаммасидан олдин Чендлер масаласини ҳал қилишим керак. Уни осонликча мағлуб эта оламан!" - дея МакГрегор ўз ижтимоий тармоқларида пост қолдирди.
Айни дамда, Конор Майкл Чедлер билан давом этаётган The Ultimate Fighter шоусининг 31-мавсумида мураббийлик қилмоқда. Шоу бошланишидан олдин промоушен раҳбари Дана Уайт шоу тугаши биланоқ, мураббийлар ўртасида жанг ташкил қилинишини маълум қилганди. Джастин Гейджи сал олдинроқ Дастин Порьега қарши жангда ғалаба қозониб, энг ёмон гангстер йўналиши бўйича BMF камарини ўзиники қилиб олган эди. Нэйт Диаз эса UFC билан шартнома муддати тугаганлиги сабабли хайрлашган ва бокс бўйича блогер Джейк Пол билан олишувда қатнашган эди. Конор ва Нэйт 2016-йилда ўзаро икки маротаба жанг қилган ва унда томонлар мос равишда бир мартадан ғалаба қозонишган эди.