Лаймер: Улар ўйинни тинчлантиришади, кейин эса тажовуз қилади

Конрад Лаймер "Реал" билан бўлиб ўтган учрашув ҳақида ўз фикрлари билан ўртоқлашди. 

"Бавария" Чемпионлар лигаси ярим финал биринчи баҳсида "қироллик клуби" билан дуранг ўйнади (2:2). 

"Бу қарама-қаршиликнинг фақат ярми. Биз беллашувни яхши бошладик, аммо кейин ҳаммаси ўзгариб кетди. 

Бу одатий "Реал". Биз уларни биламиз. Улар ўйинни тинчлантиришади, кейин эса керак пайти тажовуз қилади. Умуман олганда, яхши ўйнадик, деб ўйлайман. Бизда ҳали ишонч бор ва нимага қодир эканлигимизни биламиз", деди "Бавария" ярим ҳимоячиси.