“Liverpul” afsonasi Muhammad Salohni qattiq tanqid qildi

“Liverpul”ning sobiq futbolchisi va bosh murabbiyi Grem Suness hozirgi jamoa etakchisi Muhammad Salohni ayamay tanqid qildi.

- Maydonda og‘ir vaziyat yuzaga kelganida va raqib futbolchisi uni kuchliroq ta’qib qilganida Muhammad Saloh o‘yindan “tushib” qoladi. Salohga bundan o‘ynash yoqmaydi.

Bir necha uchrashuvda misrlik forvard kurashdan qochganini ko‘rdik. U “Liverpul” futbolchisi sifatida har doim oxirigacha kurashishi shart, - dedi Grem Suness.

Muhammad Saloh “qizillar” safida 2017 yildan beri o‘ynamoqda. Bu davr ichida afrikalik to‘purar Angliya chempionati, ichki kuboklar, Evropa Chempionlar ligasi va klublar o‘rtasidagi jahon chempionati g‘olibi bo‘ldi.