"Ливерпуль" Лавиа учун 45 миллион фунт тўлашга тайёр

"Ливерпуль" Ромео Лавиани ўз таркибига қўшиб олишга ҳаракат қилмоқда. Аввалроқ, "қизиллар"нинг 37 миллион фунтлик таклифи "Саутгемптон" томонидан рад қилинганди. Аммо мерсисайдликлар курашдан чиққани йўқ. 

Фабрицио Романонинг сўзларига кўра, "Ливерпуль" Лавиа учун "авлиёлар"га 45 миллион фунтлик иккинчи таклифни жўнатди. Футболчи Фабиньога ўринбосар сифатида қаралмоқда. 

"Саутгемптон" ярим ҳимоячининг трансферидан 50 миллион фунт ишлаб олишни режа қилган. Уни "Манчестер Сити" 2024 йилда 40 миллион фунтга қайта сотиб олиш имконияти ҳам бор.