Lopetegi APLga qaytishi mumkin

  • 9 dekabr, 2023, 15:18
  • 0
  • Futbol

Ayni paytda ishsiz yurgan Xulen Lopetegi APLga qaytishi mumkin. Uni "Nottingem Forest" kuzatib bormoqda. Bu haqda "The Guardian" nashri xabar tarqatdi. 

Ayrim manbalar ta’kidlashicha, "o‘rmonchilar" APLning 16-turida "Vulverxempton"ga mag‘lub bo‘ladigan bo‘lsa, bosh murabbiy Stiv Kuper o‘z lavozimidan ozod qilinishi mumkin. Uning boshqaruvidagi jamoa ushbu mavsum APL doirasida 15 ta uchrashuv o‘tkazib, 3 martagina g‘alaba qozondi. Klub hisobida 4 ta durang va 8 ta mag‘lubiyat bor. 

Ma’lumot uchun, Lopetegi yozda "Vulverxempton"ni tark etgandi. U klubni transferlar oynasida faol ishlamagani uchun, rahbariyat bilan kelisha olmay, shartnomani muddatidan oldin bekor qilgandi. Shundan keyin unga Saudiya Arabistonining "Al-Ittihod" klubi jiddiy qiziqish bildirdi, lekin ispan taklifni rad qilib, APLga qaytmoqchi ekanini bildirdi. 

Fikrlar

Sort comment:
Fikr qoldirish uchun avtorizatsiyadan o'ting!