Рафинья АПЛга қайтиши мумкин!

Каталониянинг "Барселона" клуби вингери Рафинья Диасга бирданига икки инглиз клуби қизиқиб қолди.

Журналист Алекс Пинтанелнинг сўзларига кўра, Лондоннинг "Тоттенҳэм"и ва Албионнинг бошқа бир номи ошкор этилмаган клуби бразилияликнинг агенти билан боғланган. АПЛ Рафинья учун бегона эмас. У "Барса"га "Лидс"дан ўтган эди.

Футболчининг ўзи ҳам "Барселона"да қолмоқчи эмас. "Кўк-анорранглилар" раҳбарияти ҳам бунга қарши эмас бошқа клублар таклифларини ўрганишга тайёр. "Transfermarkt" портали 27 ёшли вингерни 50 миллион еврога баҳоламоқда.

Жорий мавсум Диас Ла Лигада 15 учрашувда қатнашиб, 3 та гол урди ва 5 та голли узатмани амалга оширди.