Шоҳжаҳон Эргашев - Сабриель Матиас жанги муддатидан аввал якунланди

АҚШнинг Лас-Вегасидаги "Michelob Ultra Arena"да  профессионал бокс оқшоми бўлиб ўтмоқда. Жанг кечасининг асосий кардидан ўрин олган навбатдаги жанг якунланди.

Унда юртдошимиз Шоҳжаҳон Эргашев (23-1-0) IBF йўналиши чемпиони, Пуэрто-Рико вакили Сабриель Матиас (20-1-0) билан IBF чемпионлик камари учун жанг қилди.

12 раунд этиб белгиланган жанг 5- раундда якунланди ва унда афсуски, Эргашев бурчаги жангни давом эттиришни истамади. Шу тариқа Эргашев фаолиятидаги илк мағлубиятини қабул қилиб олди.