SPORTS.uz Superliga o‘yinlaridan yil yakuniga qadar highlights tayyorlash huquqi bo‘yicha kelishuvga erishdi

Shu yilning 31 mart va 15 aprel kunlari O‘zPFL Superliga uchrashuvlaridan highlights tayyorlash va ularni onlayn namoyish qilish huquqi bo‘yicha mos ravishda bir qator saytlar bilan kelishuvga erishgandi.

Bugun O‘zPFL xuddi shu yo‘nalishda SPORTS.uz nashri bilan ham shu yilning yakuniga qadar amalda bo‘ladigan shartnoma imzoladi.

Eslatma. Superliga uchrashuvlaridan 10 daqiqagacha bo‘lgan highlightslar tayyorlash va ularni ijtimoiy tarmoqlar, veb-sayt hamda messenjerlarga joylash huquqi bugungi kunga kelib SPORTS.uz nashrida ham bor. Boshqa platformalar bu huquqdan O‘zPFL roziligisiz foydalana olmaydi.