Tayson Fyuri hamda Uaylder o‘rtasidagi trilogiya sanasi ma’lum bo‘ldi

“Top Rank” menejeri Bred Jeykobs og‘ir vazn toifasidagi Tayson Fyuri va Deontey Uaylder o‘rtasidagi uchinchi jang borasida gapirdi.

“Biz 19 dekabrga e’tibor qaratamiz. Umid qilamanki, u paytga qadar butunjahon odatiy holatga qaytadi. Endi, biz butun dunyo bo‘ylab, ushbu tadbirni o‘tkazish uchun eng yaxshi joyni qidirmoqdamiz ”, - dedi Jeykobs.

Ma’lumot uchun, ular o‘rtasidagi birinchi to‘qnashuvda durang qayd etilgan bo‘lsa, revansh jangida Fyuri raqibini muddatidan avval mag‘lub etgandi.