Хейтерларга саломлар! "Челси" МЮни қувиб ўтди ва Европа лигаси йўлланмаси учун курашади

Лондоннинг "Челси" клуби АПЛ 35-туридан ўрин олган "Челси" - "Вест Хэм" баҳси бўлиб ўтди ва унда "аристократлар" 5:0 ҳисобида зафар қучди. 

Айни дамда лондонликлар АПЛ турнир жадвалида 54 очко 7-ўринни банд этиб турибди. Битта кам беллашув ўтказган ва шунча очкога эга МЮ 8-поғонадан жой олган. Бундан ташқари, 6-ўринда (Европа йўлланмасини кафолатловчи ўрин) "Ньюкасл" бормоқда. 

Агар Почеттино шогирдлари қолган беллашувларда ҳам юқори темп намойиш этиб, ғалаба қозонса, шунингдек, "қизил иблислар" ва "қарғалар" очко йўқотган тақдирда, "Челси" ўта омадсиз деб қаралаётган мавсумда Европа лигасига йўл олиши мумкин.