“Реал” “Сити”нинг энг зўр ўйинчисини олиб кетмоқчи

“Манчестер Сити” муваффақиятларида клуб тарбияланувчиси Фил Фоденнинг ўрни катта.

Бир неча мавсумдан буён юқори савияда ўйнаётган ҳужумкор футболчининг харидорлари кўпайиб бормоқда. Хусусан, “Реал” ва ПСЖ каби қудратли клублар Фоденни ўз таркибида кўрмоқчи.

Таниқли журналист Экрем Конурнинг маълум қилишича, “шаҳарликлар” 23 ёшли футболчи билан янги шартнома борасида музокарани давом эттирмоқда.

Агар томонлар ўзаро бир тўхтамга кела олмаса, вазиятни кузатиб турган Мадрид ва Париж суперклублари дарров ишга киришади.

Фоденнинг манчестерликлар билан шартномас 2027 йилнинг ярмигача тузилган. Transfermarkt портали унинг трансфер суммасини 130 миллион еврога баҳоламоқда.