Гризманн, Роналду ва Месси 2016 йилнинг энг яхши футболчиси номига даъвогарлик қиладиган бўлди

Халқаро футбол федерацияси (ФИФА) 2016 йилнинг энг яхши футболчиси бўлишга даъвогар футболчилар учлигини эълон қилди.

Мукофот учун  "Атлетико" ҳужумчиси Антуан Гризманн, "Реал" етакчиси Криштиану Роналду ва "Барселона" форварди Лионель Месси даъвогарлик қиладиган бўлди.

Қайд этиш керак, Роналду ўтган мавсумда "Реал" билан ЕЧЛ ғолиби бўлди ва Португалия термаси сафида Европа чемпионига айланди.

Месси "Барселона" билан Испания чемпионлиги ва мамлакат Кубоги соҳиби бўлди. Аргентина термасида 29 ёшли футболчи Америка кубоги финалигача борди. 

Гризманн "Атлетико" билан ЕЧЛ финалига, Франция термаси билан эса Евро-2016 финалига қадар етиб борганди. 

Эслатиб ўтамиз, соврин эгаси 9 январь куни Цюрихда бўлиб ўтадиган ФИФАнинг йиллик тақдимот маросимида аниқланади.