"Ханчжоу-2022": 3 нафар дзюдочимиз финал йўлланмаси учун кураш олиб боради

Дзюдо беллашувларида саралаш баҳслари ҳал қилувчи паллага кирди. Қувонарлиси, Ўзбекистон терма жамоасининг 3 нафар вакили ярим финал босқичига етиб келди.

Яна саноқли дақиқалардан сўнг Давлат Бобонов (-90 кг), Музаффарбек Тўрабоев (-100 кг) ҳамда Ирисхон Қурбонбоева (-78 кг) ярим финалда кураш олиб боришади. Финал йўлланмаси учун татамига чиққан Алишер Юсупов (+100 кг) эса БАА вакили Магомедомар Магомедомаровга имкониятни бой бериб қўйди ва кечки дастурда бронза медали учун баҳс олиб борадиган бўлди.