![](https://static.sports.uz/crop/9d03c536e2dc3c32abecd8d41864239e.jpg)
21-aprel kuni 6-BYD Toshkent xalqaro marafon bo‘lib o‘tadi
6-BYD Toshkent xalqaro marafoni arafasida, O‘zbekiston Milliy olimpiya qo‘mitasining anjumanlar zalida jurnalistlarning Markaziy Osiyoda o‘tkaziladigan eng yirik xalqaro sport tadbirlaridan biriga tayyorgarlik ko‘rishga bag‘ishlangan marafon tashkiliy qo‘mitasi a’zolari bilan uchrashuvi bo‘lib o‘tdi.
21-aprel kuni Toshkent shahri 45 davlatdan 5 mingga yaqin havaskor yuguruvchi va professional sportchilarni qabul qiladi. Mana ketma-ket 6 yildirki Toshkent xalqaro marafoni 720 million so‘mlik marafonning rekord darajadasigi sovrini uchun kurashib kelayotgan yaqin xorijiy davlatlarning eng yaxshi va iqtidorli yuguruvchilarni birlashtirib kelmoqda. Shuningdek, marafon tarixida birinchi marta erkaklar va ayollar o‘rtasida kurs rekordini o‘rnatish uchun qo‘shimcha to‘lovlar taqdim etiladi – marafon masofasi uchun 15 million so‘m va yarim marafon masofasi uchun 10 million so‘m.
6-BYD Toshkent xalqaro marafoni dasturiga 4 ta masofa: 3 va 10 km ommaviy yugurish musobakasi, 21 km yarim marafon va 42 km marafon masofasi kiritilgan. 20 aprel kuni O‘zbekiston yengil atletika federatsiyasi hududida 7 yoshdan 70 yoshgacha bo‘lgan ishtirokchilarni jamlagan 300 dan ortiq kishi ishtirok etgan Kids run va Shimoliy yurish poygalari bo‘lib o‘tdi. Musobaqaga imkoniyati cheklangan yuguruvchilar ham qo‘shildi.
6 - Toshkent xalqaro marafonining titul hamkori BYD O‘zbekiston yarim marafon va marafon chempionati dasturi doirasida O‘zbekistonning eng yaxshi sportchilarini taqdirlash uchun 2 ta avtomobil taqdim etadi.
Marafon tashkilotchilari: Toshkent shahar hokimligi, O‘zbekiston Respublikasi Sport vazirligi, Oliy ta’lim, fan va innovatsiyalar vazirligi, “O‘zbekneftgaz” AJ, Milliy olimpiya qo‘mitasi, O‘zbekiston Mudofaa vazirligi, Ichki ishlar vazirligi, Yoshlar ishlari agentligi, Kasaba uyushmalari federatsiyasi, Favqulodda vaziyatlar vazirligi, O‘zbekiston Yengil atletika federatsiyasi.
Sport tadbirining koordinatori sifatida O‘zbekiston Respublikasi yengil atletika Federatsiyasi Markaziy Osiyo yengil atletika assotsiatsiyasi bilan birgalikda oltinchi marta ishtirok etmoqda.
“Toshkent marafonini tashkil etish boshlanishida eng mashxur masofalardan biri 3 km masofaga yugurish edi. Bu deyarli hamma uchun oson va yetib borishi mumkin bo‘lgan masofa, o‘rtiqcha cheklovlarsiz”, dedi Federatsiya Bosh kotibi Kamoliddin Ro'zamuhamedov, “Bugun 6-BYD Toshkent xalqaro marafonida 10 km masofadagi slotlar soni deyarli 3 km ga teng. Bu O‘zbekistonda ommaviy sport rivojining ajoyib ko‘rsatkichidir. Yugurish nafaqat zavq bag‘ishlaydi, balki sog‘liq uchun ham foyda keltiradi. Ishtirokchilar qiyinchilikni qabul qiladilar va yanada uzoqroq masofalarni ham muvaffaqiyatli bosib o‘tishadi".
Matbuot anjumanida Toshkent marafoni nafaqat O‘zbekistonda, balki undan tashqarida ham – Qozog‘iston, Qirg‘iziston, Tojikiston va Turkmanistonda ham yugurish va sog‘lom turmush tarzini targ‘ib etuvchi muhim xalqaro maydon ekanltgi alohida ta’kidlandi. Har yili Toshkentga ushbu mamlakatlardan yugurish klublari delegatsiyalari kelib, sport faoliyati va sog‘lom turmush tarzini qo‘llab-quvvatlash borasida sa’y-harakatlar hamjihatligini namoyish etadilar.
Marafon sport musobaqalarining Butunjahon atletika taqvimiga kiritilgan va World Athletic Label rasmiy maqomiga ega. Toshkent xalqaro marafoni trassasi Xalqaro marafonlar va poygalar assotsiatsiyasi (AIMS) tomonidan sertifikatlangan. Tadbirda xalqaro talablarga muvofiq nufuzli yugurish musobaqasini tashkil etish va o‘tkazishni baholash uchun xorijiy texnik delegate Norrie Williamson ishtirok etadi. Olimpiya o’yinlari uchun belgilangan me’yorni ko’rsatgan sportchilar Parij-2024 o‘yinlaiga yo‘llanma oladilar. Marafon xalqaro doping xodimlari ishtirokida antidoping nazoratining qat’iy nazorati ostida o‘tkaziladi.
Toshkent marafonining korporativ korxona va tashkilotlar o‘rtasidagi nufuzi tobora ommalashib bormoqda. Marafonda O‘zbekistonning 70 dan ortiq yirik kompaniya va tashkilotlari, NNT va oliy o‘quv yurtlari korporativ jamoa sifatida ishtirok etish uchun ariza topshirishdi. Murad Buildings, Astana Motors, “Shayana Farm” MChJ, Pure Milky, TBC, Kapitalbank, Tenge Bank, Ipak Yo'li Bank, O‘zbekiston Milliy banki banklari, Webster, Amity, Inha universitetlari, “Navoiyazot” AK, Olmaliq kon-metallurgiya kombinati, “Zakovat” intellektual klubi va boshqalar shular jumlasidandir.
Bu yilgi marafonning hamkorlari sifatida “Hayat” tibbiyot markazi, sut mahsulotlari ishlab chiqaruvchisi “Kalleh” hamda RG kompaniyasining “A’SU” ichimlik suvi ishlab chiqaruvchisi ishtirok etdi.
Sport tadbirini tashkil etishda 200 ga yaqin ko‘ngillilar jalb etilgan.
Marafon kuni ular ochilish va taqdirlash marosimlarida qatnashadilar, trassada tartibni saqlaydilar va poyga davomida ishtirokchilarni qo‘llab-quvvatlaydilar.
Havaskor sport turlari bo‘yicha yetakchilarni rag‘batlantirish va qo‘llab-quvvatlash maqsadida Yengil atletika federatsiyasi 42 km masofani 6 soatda bosib o‘tgan har bir marafon ishtirokchisiga III kattalar sport toifasini berishni taklif qildi. Ushbu taklif barcha ishtirokchilarga, ularning professional sportchi yoki havaskor maqomida ekanligidan qat’i nazar, amal qiladi. Ta’kidlanganidek, ommaviy sport bilan faol shug‘ullanayotgan ishqibozlar yugurish bilan shug‘ullanayotgan yoshlarga o‘rnak bo‘lib, jamiyatda sog‘lom turmush tarzini qaror toptirishga salmoqli hissa qo‘shmoqdalar.
21-aprel kuni xalqaro eng sara yuguruvchilar va xalqaro marafon g‘oliblari bo‘lgan yuguruvchilar marafonning birinchi qatoriga chiqadilar: Yekaterina Tunguskova, Ilya Tyapkin, Anna Kovalyova, Rinas Axmadeyev, Andrey Petrov, Mariya Korobitskaya, Marina Xmelevskaya, Katerina Vasilchenko, Vinsent Kimutai Boit, Shohrux Davlatov va boshqalar.
6- BYD Tashkent xalqaro marafoni an’anaviy tarzda “Humo Arena”ning start va finish maydonchasi o‘tkaziladi.
Ijtimoiy tarmoqlardagi marafon sahifalari:
Instagram: @tmmarathon
Facebook: @tmmarathon
Фикрлар